Mootummaan Keeniyaa seera ittisa shororkeessummaa jalatti Obbolummaa Islaamaa (Ikhwaanal Muslimiin) fi Hizb-ur-Tahrir akka qaama shororkeessummaatti ifatti moggaafteetti.
Hangamuu lakkofsii isaanii xiqqaatullee akkuma beekkamu Keeniyaa keessatti sochiin hawaasa muslimaa jabaadha. Dhaabbileen islaamaafi waldaleen hawaasa muslimaa biyyattii sochiin gama da’awaafi hawaasummaan qaban cimaafi hirmaannaan siyaasa biyyattii keessatti qabanis kan salphaa jedhamuu miti.
Akkuma beekkamu yeroo ammaa kana maqa balleessiifi jibbi islaamaa waggoottaniif ture sadarkaa adduunyaatti jijjiirama jira. Kun ammoo jibbitootaafi injinaroota farra Islaamaa hundatti yaaddoo naqeera.
Kanaafuu biyyoota garaa garaa keessatti sochii haqaa hawaasa muslimaa luugamuufi bifa haaraan laamshessuuf hojiitti jiru. Kanaaf ammoo warreen dhihaa of qofaaf osoo hin taane biyyoota islaamaa kanneen akka UAE sirriitti fayyadamaa jiru. Tarkaanfii Mootummaan Keeniyaa fudhate kana duuba UAEn akka jirtu ifa.