Faawundeeshiiniin Rufayidaa Dubartoota Karaalee gara garaatiin Gumaacha Taasisan Badhaase.
*************
Faawundeeshiniin Dubartoota Rufayidaa badhaasa Rufayidaa jalqabaa kan qopheesse yoo ta’u, dubartoonni Musliimaa damee adda addaatiin gumaacha olaanaa taasisan badhaafamaniiru.
Saganticha irrattis barattoonni dubartoota muslimaa yuunivarsiitii biyya keenyaa adda addaa irraa bu’aa olaanaa galmeessisan badhaafamaniiru.
Dura teessuun boordii Faawundeeshiinii Dubartoota Rufayidaa Injinar Hangatuu Abdurahmaan waggoota 5n darbaniif hojiilee adda addaa dubartoota barsiisuu fi humneessuu irratti hojjachaa akka turan ibsaniiru.
Faawundeeshinichi barattoota dubartootaa kuma 3 fi 500 ol damee adda addaatiin barsiisee eebbisuus ibsiteerti.
Kaayyoon waltajjii har’aa dubartoota muslimaa gama adda addaatiin gumaacha godhan jajjabeessuun dubartoota muslimaa biroof fakkeenya akka ta’an gochuudha jedhan.
Waltajjii har’aa irratti badhaasa kana injifatan keessaa dubartoonni Musliimaa, hundeessitoota dhaabbilee adda addaa, gaazexeessitoota, hoggantoota dhaabbilee tola ooltummaa badhaasaniiru.
Sagantaa kana irratti hoggantoonni olaanoo Majlisa, ulamaa’oonni, ustazoonni, hoggantoonni Dhaabbata Dubartoota Rufaayidaa, fi keessummoonni affeeraman hedduun argamaniiru jechuun Kebor multimediatu gabaase.