Tarkaanfiin Ameerikaan Obbolummaa Muslimaa (ikhwaanal Muslimiin) irratti fudhatte kun qaama daawwii mootii Gonfoo Sa’uudii Arabiyaa Muhaammad Bin Salmaan dheengadda Waayit Haawusitti taasisanii akka ta’e ifa.

Murtoon Ameerikaa kun aduunyaa dhihaa keessatti maqa balleessii waggoottan dheeraaf Islaamummaa irratti gaggeeffamaa dhufe jijjiiruufi fuula dhugaa Islaamummaa ifa baasuun sochii bu’aa gaarii argamsiisaa jirutti gufuu kan ta’uudha.

Keessuumaa shira jaarraa hedduun hawaasa waa’ee Islaamummaa akka hubannoo sirrii hin arganne godhamee faallaa isaatiin ammoo Islaamummaan akka amantaa sirrii hin taaneefi yakka tumsuutti akka hubatu godhameef hubannoo sirrii waa’ee Islaamummaa uumuufi da’awaa babal’isuufi kanneen kana irratti hojjatan tumsuu irratti qaamoleen bal’inaan sochoo’aan/hojjatan akka badan godhamuun qaama murtoo ”Obbolummaa Muslimaa” shoro-rkeessummaan farrajuu waan ta’eef dhiibbaa kana hin jedhamne qaqqabsiisuun waan hin oolle.

Dhugaan qaama tokko farrajuu boodaan jiru guddaan ammoo qaamolee karaadhuma seera qabeessa sochoo’an garuu kan isaan hin gammachiisnetti maqicha moggaasuun isaaafi sochii isaas dhaabuudha.

Kun ammoo muslimoota jajjaboo irratti tarkaanfii fudhachuuf dhaabbilee ofii uumanii maqaa Muslimaa kennaniifi deebisanii farrajan jala galchuun yeroo dhiibbaa qaaama pirojektii kanaa godhan waan ifatti argamaa har’a ga’eedha. Warri umrii aangoo isaaniif yaadda’an garuu waa’ee egeree kanaatiif waan yaadan hin fakkaatanu.