Hojiin lakkoofsa faayidaa lakkoofsa herrega maamiltootaa baankiilee hunda waliin walqabsiisuu jalqabame
*************
Baankiin Biyyaalessaa hojii waraqaa eenyummaa dijitaalaa ‘Faayidaa’ baankiilee hundatti lakkoofsa herrega maamiltootaa waliin walitti hidhuu ifatti jalqabiise.
Hojiin sirna odeeffannoo walsimsiisuun walitti hidhuu kun maamiltoonni iddoma jiran taa’aanii haala nageenyummaansaa eegameen maallaqa akka daddabarsan kan gargaaruudha.
Dabalataanis sanada sobaatiin qaamoleen biroo herregasaanii sochoosuu akka hindandeenyeefi haala salphaan tajaajila liqii akka argatan kan taasisuudha.
Baankonni hojii walsimsiisuu kanaan ragaa maamiltootasaanii waqtaawaafi sirrii ta’e argatu.
Burjaajii maallaqaa sanada sobaatiin raawwatamus kan ni ittisa.
Maamiltoonni lakkoofsa herregasaanii, ragaa ‘Faayidaa’ wajjin walitti hidhuuf gara damee baankiisaanii qaamaan dhaquun yookaan karaa toora marsariitiin (online) lakkoofsa jijjiirama ‘Faayidaa’ dhiyeessuun raawwachuu nidanda’u.
Baankiin Biyyaalessaa maamiltoonni hanga bitooteasa 30 bara 2018titti lakkoofsa herreega baankiisaanii ragaa ‘Faayidaa’ wajjin akka walitti hidhan hubachiiseera.
Maamilli waraqaa eenyummaa dijitaalaa ‘Faayidaa’ hingalmoofne buufata galmeessa Faayidaa naannawasaatti argamutti akka galmaa’u eerameera.
Baankota hundatti herrega haaraa banuu akkasumas lakkoofsota herregaa tlbuleeyyii waraqaa eenyummaa dijitaalaa ‘Faayidaa’ waliin walitti hidhuun yeroon ittiraawwatamu bahuun baankota hundaafuu raabsameera.
Hojiin walitti hidhuu kun gara raawwitti galuun damee faayinaansiif qofa otoo hintaane imala ce’umsa dijitaalaa biyyattii keessattis gahee guddaa gumaacha jedhameera jechuun Gaazexaa Pilaastu gabaase.