Kiristaanoo Ronaaldoon Doonald Tiraanpiin wal arguuf Waayit Hawusiin jira jedhame.
******,,
Kiristaanoo Ronaaldoo sadaasa 5 gaaffiifi deebii Piirsi Morgaan waliin karaa toora miidiyaa Hawwaasummaa isaan taasise irratti Doonald Tiraanpiin arguuf fedhi akka qabu erga kaasen booda wal arguuf Ameerikaa Waayit Hawusiin jira jedhame.
Gaaffiifi deebii sana irratti anaaf Tiraanpiin caalaa namni addunyaa kana irraa beekamtii guddaa qabu hin jiru kan jedhe Roonaaldoon, dhimma nageenya addunyaa kanaa irratti Pireezidaantii Ameerikaa waliin dubbachuuf fedhii akka qabu dubbachuun Piirsi Morgaaniin walitti nu fidii gaaffiifi deebii nuuf taasisi jedhee ture.
Kanumaan wal qabatee dursaan garee kilaba Sa’ud Arabiyaa Al-Naasir, Kiristaanoo Ronaaldoo, daawwannaa mootii Sa’ud Arabiyaa Mohaammad Bin Salmaan Ameerikaatti taasisaniin walqabatee Waayit Hawusitti akka argamu aanga’aan tokko mirkaneesse jechuun BBC’n gabaase.
Rondaaldoon qaama jila mootii Sa’ud ta’uufi dhiisuu isaa garuu waanti himame hin jiru.
Kiristaanoo Ronaaldoo taphataa kubbaa miilaa sadarkaa idil-addunyaatti adda durummaan beekaman keessaa tokko yoo ta’u, Sa’udii Piroo Liigii keessatti argamuun akka Liigichi gurra godhatus gochaa jira. Qubee Tvtu gabaase